سوئس انڈور ٹینس ٹورنامنٹ، راجر فیڈرر نے 10ویں بار ٹائٹل جیت لیا

0 232

باسل: ٹینس اسٹار راجر فیڈرر نے سوئس انڈور ٹینس ٹورنامنٹ کا ٹائٹل دسویں بار اپنے نام کرلیا۔

تفصیلات کے مطابق ٹینس اسٹار راجر فیڈرر نے سوئس انڈور ٹینس ٹورنامنٹ کے فائنل میچ میں آسٹریلیا کے ایلیکس ڈی منار کو شکست دے کر دسویں بار ٹائٹل اپنے نام کرلیا۔

باسل میں جاری ٹورنامنٹ میں سوئٹزرلینڈ کے 38 سالہ ٹینس اسٹار راجر فیڈرر نے 20 سالہ ایلیکس کو اسٹریٹ سیٹس میں شکست سے دوچار کیا۔

فائنل میں راجر فیڈرر کی جیت کا اسکور 6-2، 6-2 رہا، فائنل میچ 68 منٹ تک جاری رہا، اس موقع پر شائقین کی بڑی تعداد نے فیڈرر کو مبارک باد دی۔

راجر فیڈرر نے ٹائٹل جیتنے کے بعد اپنے آبائی شہر باسل میں بال بوائز اور بال گرلز کی پیزا پارٹی بھی کی، فیڈرر نے سب کو پیزا سلائس دئیے اور خود بھی پیزا کھاتے نظر آئے۔

یاد رہے کہ فیڈرر کبھی خود بھی بال بوائے تھے، 1993 میں سوئس اوپن میں فیڈرر کو بال بوائے کا میڈل ملا تھا۔

تبصرے
Loading...