امریکی میگزین نے مودی کا مکروہ چہرہ بے نقاب کردیا

0 303

نیویارک : امریکی میگزین دی اکنامسٹ نےمودی سرکار کےمکروہ چہرےسےنقاب اتاردیا اور کہا مقبوضہ کشمیرمیں لاک ڈاؤن اورآسام کےمسلمانوں کو شہریت سے محروم کرنا مسلم نسل کشی کے اقدامات ہیں ، مودی بھارتی جمہوریت اور معیشت کو نقصان پہنچا رہے ہیں۔

تفصیلات کے مطابق امریکی میگزین دی اکنامسٹ نے کہا ہے کہ مقبوضہ کشمیر میں لاک ڈاؤن اور آسام کے غریب مسلمانوں کو شہریت سے محروم کرنا مودی حکومت کے مسلمانوں کی نسل کشی کے اقدامات ہیں۔

امریکی میگزین نے لکھا کہ بھارتی معیشت بدحالی کا شکارہے ، ایسی صورتحال کے باوجود مغرب کا اکثر تجارتی طبقہ مودی کی حمایت کررہا ہے، مودی بھارتی جمہوریت اورمعیشت کونقصان پہنچا رہے ہیں اوربھارت کی معیشت نااہل اور برے طریقے سے چلائی جارہی ہے۔

جریدے کے مطابق بھارت میں ٹیکس دینے والوں کی شرح بھی خطرناک حد تک کم ہوئی ہے جبکہ کاروں اور موٹرسائیکلوں کی خرید میں بھی 20 فیصد تک کمی ہوئی ہے۔

امریکی میگزین کا کہنا تھا کہ بھارت میں ستمبر کے آخر تک کاروبار میں سرمایہ کاری میں 88 فیصد تک کمی ہوئی، کچھ بینک اور دیگر قرض دینے والے ادارے بحران کا شکار ہیں، جس کی وجہ سے 2 سو ارب ڈالر کے مقروض ہوچکے ہیں۔

گذشتہ روز امریکی اخبار واشنگٹن پوسٹ نے مقبوضہ کشمیرپر رپورٹ میں کہا تھا کہ بھارتی کریک ڈاؤن نے مقبوضہ کشمیرکی پوری آبادی کو مفلوج اور خاموش کردیا، مسلسل بندش،چھاپوں اور گرفتاریوں سے مقبوضہ کشمیر کی فضا سوگوار ہے۔

تبصرے
Loading...